Sobre el proyecto
A estación depuradora contribuirá co seu funcionamento a satisfacer unha das principais demandas en materia de medio ambiente e calidade das augas na ría de Vigo.
A integración paisaxística na zona húmida do Lagares e lograr unha imaxe de industria contemporánea foron os obxectivos da intervención arquitectónica.
Esta intervención mellora a relación da cidade coa súa contorna natural, con criterios de sustentabilidade.
A EDAR asume o papel de servir de transición entre o espazo natural (marisma do Lagares), o asentamento industrial de Ricardo Mella, o asentamento de vivendas unifamiliares e a proximidade á praia de Samil.
A distribución de volumes e alturas das edificacións dentro da propia EDAR realízase de modo gradual. Esta gradación vai desde as edificacións enterradas próximas á marisma ás edificacións de maior altura que dan unha nova fronte ao espazo industrial de Ricardo Mella.
O obxectivo foi dignificar a imaxe industrial da zona, xerar unha nova visión que contribúe a entender o novo conxunto como unha industria contemporánea na que prima a orde e a serenidade.
A integración paisaxística é o principal obxectivo, polo que se soterra baixo cubertas verdes a maior parte do edificio. Empréganse fachadas e cubertas con materiais neutros.
Cúmprense así os seguintes obxectivos:
» Contribuír a desmaterializar os edificios nas vistas distantes.
» Crear un pano de fondo horizontal e neutro á marisma do Lagares na súa fronte desde a praia de Samil.
O resultado final é o dunha industria contemporánea que contribúe a dignificar a imaxe industrial da zona, sen renunciar ao respecto e posta en valor das calidades ambientais da localización, mellorando a relación entre a cidade e o medio no que se asenta.
Categorías en las que participa
Premio galego de arquitectura
Destinado a galardoar os proxectos de nova planta relativos a actuacións que xerasen unha nova edificación ou unha ampliación dunha xa existente, sempre que suficiente entidade como para poder ser valorados de forma independente á construción orixinal.