HOTEL DA NATUREZA PEPE_VIEIRA

Pepe Vieira é un deses proxectos cociñados a lume lento.... Un proceso que se dilatou durante 13 anos nos que se mesturan a casualidade, espontaneidade e complicidade, coas ilusións dun creador total, de oficio cociñeiro.

Da celebración dunha voda, coa oficina recentemente inaugurada, xorde a oportunidade de converter as instalacións dun complexo, dedicado a cámping e restaurante, nun Hotel da Natureza, fronte á Ría de Pontevedra, en Camiño dá Serpe.

Un lugar privilexiado, rodeado da natureza máis salvaxe, elevado e abancalado sobre a Ría, no que existe unha edificación, composta por tres volumes prismáticos acabados en cor branca, sobre un gran soto. Tres grandes muros de contención realizados coa pedra extraída durante a súa construción configuran unha serie de bancales que, dalgunha maneira, preparaban o espazo para acoller proxectos fututos.

O novo proxecto debe reformar: parte da edificación principal para a creación dun gran lobby-recepción, un salón social con lareira, oficinas de administración, aseos e unha pequena cociña-despacho; o soto, para albergar unha gran adega e algúns servizos auxiliares como vestiarios ou almacéns; os accesos, a zona de aparcamento e o paisaxismo en xeral. Ademais, debemos ampliar as instalacións con 14 habitacións dobres e unha área de piscina.

Pero, como trasladar á arquitectura as inquietudes e fantasías do seu promotor "como realizar un hotel da natureza sendo fiel á filosofía do seu propietario, onde cada prato conta unha historia auténtica e de tradición, da maneira máis sinxela, pero achegando a súa visión creativa"

A clave reside na conexión total existente entre a natureza e a sinxeleza da súa construción. Do mesmo xeito que ocorre no restaurante, as persoas que visitan este lugar non só veñen comer ou degustar os produtos recentemente colleitados da natureza, se non que acoden para ser sorprendidos e gozar dunha experiencia total, desposuídos de prexuízos.